Мистичната танго легенда (Четирите реки на Мишима)

Мистичната танго легенда (Четирите реки на Мишима)
Огнен Коцевски

Kнигата раскази „Четирите  реки на Мишима“ од Огнен Коцевски е книга за потрагата по смислата на животот и осаменоста, за човековата траума и неразбирањето кои произлегуваат од тоа да бидеш различен од другите. Со темелни биографски истражувања на животните драми на генијалните умови, како Исус, Гедел, Кантор, Бетовен, Мишима, Коцевски прави синтеза на спротивставени перспективи, на индивидуалното и историското, традицијата и современото, минливото и вечното. Внатрешниот свет на ликовите, нивните вечни, животни прашања и дилеми, и светот на суровата реалност, авторот ги става во меѓусебен дијалог во кој неретко се јавува и светот и мислите на самиот автор. Тоа се реките на животот кои незапирливо и неминовно се прелеваат една во друга.

Прозата на Коцевски, изобилува со лиризам, интимни исповеди, а се служи со современи раскажувачки постапки, како метафикција, интер текстуалност, дисперзиран наратор. Притоа, успева да изнајде свој, автентичен раскажувачки агол, што го чини особен.

„Мистичната танго легенда“ се базира на животот и трагичната смрт на Карлос Гардел, аргентинскиот пејач со баритонски глас, композитор и актер, кој се смета за крал на тангото во светски рамки.

Сложувалка

Нареди ја сложувалката и добиј ја целата слика.

Боенка

Бидете креативни, бојте и забавувајте се.

Оставете ни коментар