![](https://slushnikniga.mk/wp-content/uploads/2020/05/green-cover-1.jpg)
Приказна за облакот (ВИЛАДОНИЈА)
„Виладонија“ е атрактивна книга за деца, збирка бајки пишувана во стихови. Дело кое може да се чита како роман, но и како посебни приказни кои ги поврзува една нишка- волшебната земја Виладонија.Добрина, љубов, другарство, правдина,храброст се основните вредности за кои зборува оваа бајка во стихови, а кои децата треба да ги научат уште од најмала возраст. Сите овие вредности авторката ги пренесува на еден маестрален начин – се нурнува длабоко во детскиот свет, ги поведува децата во непознати волшебни предели и светови, магични места за кое секое дете мечтае.
Извор
„Виладонија“
Нарација
Марија Кондовска
Илустрација
Даниела Андонова
Времетрање
3мин:29сек.
ЗА АВТОРОТ
Снежана Иљоска Наумовска е родена 1950 година во семејството на Елица и Васил Иљоски. Магичната моќ на пишаниот збор ја почуствувала во раното детство покрај нејзиниот татко Академик Васил Иљоски, еден од основопложниците на македонското драмско творештво.
Лекар по професија, вљубеник во литературата во 1999 година се претставила со својата прва кинига „Меѓу вчера и утре“ во издание на Зумпрес.
По првата книга за возрасни објавува неколку книги за деца: „Виладонија“, приказни во стихови во издание на Детска Радост 2000 година, „Зелено лето“, роман во издание на Детска Радост во 2003 година, „Волшебното стапче“, роман во издание на Три во 2004 година, „Бајка за царот Нај“, бајка во стихови во издание на Три во 2006 година.
Снежана Иљоска наумовска е автор на драматизацијата на „Бајка за царот Нај“, претстава која е поставена на репертоарот на Театарот за деца и младинци во 2014 година и која што сеуште се изведува на редовниот репертоар на театарот.
Во 2015 година издава уште една бајка во стихови:„Зелениот џин во Виладонија“.
Многубројни песни за деца од Снежана Иљоска Наумовска се отпечатени во детските списанија како „Росица“,„Другарче“ и „Развигор“.
Позитивни критики и рецензии за нејзините дела , како и препораки и предговори напишале повеќе еминентни македонски писатели како Анте Поповски, Јадранка Владова, Академик Катица Ќулафкова, Академик Влада Урошевиќ, Академик Матеа Матевски.
Сложувалка
Нареди ја сложувалката и добиј ја целата слика.
Боенка
Бидете креативни, бојте и забавувајте се.